ഉമ്മ ചോറ് വിളമ്പി മേശപ്പുറത്തു വെച്ചു കൂടെ എനിക്ക് ഏറെ ഇഷ്ടമുള്ള മീന്‍കറിയും,കഴിക്കാനായി ഇരുന്നപ്പോള്‍ എണ്ണയില്‍ ചുവന്നുള്ളിയും വേപ്പിലയും മൂപ്പിച്ച് താളിചെടുത്ത കറിയുടെ രുചിയെ വെല്ലുന്ന മണം. ......, വയറു നിറയുന്നതിന്നു മുന്പേ എന്റെ മനം നിറഞ്ഞു .വിളമ്പി വെച്ച ചോറിന്നു മുകളില്‍ മൂന്നു വാക്കുകള്‍ എന്റെ മുന്നില്‍ തെളിഞ്ഞു
like comment share
ലൈകില്‍ എന്റെ കണ്ണുകള്‍ ഉടക്കി വലതു കൈ എന്തോ പരതുകയായിരുന്നു അറിയാതെ കൈ കറിപ്പാത്ത്രത്തില്‍ തട്ടി പാത്രം താഴെ വീണുടഞ്ഞു ....ആ ശബ്ദത്തില്‍ ഞെട്ടിയുണര്‍ന്ന ഞാന്‍ സമയം നോക്കുമ്പോള്‍ 7 .25 ഒരുമണിക്കൂറിനുള്ളില്‍ പ്രഭാത കൃത്യങ്ങളെല്ലാം സാദിച്ചു ഓഫീസിലേക്ക്…, കയറിചെല്ലുമ്പോള്‍ സഹപ്രവര്‍ത്തകന്റെ പതിവ് ഗുഡ്മോര്‍ണിംഗ് കൂടെ പതിവില്ലാത്ത ഒരുചോദ്യവും
ഇന്നെന്താ മുഖത്ത് ഒരു നിരാശ...?
ഒന്നുമില്ലെന്ന് ഞാന്‍ അലസമായി പറഞ്ഞെങ്കിലും ഓഫീസില്‍ കയറി കംപ്യൂട്ടറിനു മുന്നിലെ എന്റെ ചെയറില്‍ ഇരുന്നപ്പോള്‍ ഉള്ളില്‍ നിന്നും നൈരാശ്യത്തിന്റെ ഒരു ദീര്ഗ ശ്വാസം പുറത്തേക്ക് വന്നു
ഹോ ....ഒന്ന് ലൈക്‌ ചെയ്യാന്‍ കഴിഞ്ഞിരുന്നെങ്കില്‍